父母過分保護子女,或令他們變成溫室小花。一名女生近日訴說,因不滿男友過分倚靠媽媽,屬超級「裙腳仔」,決定提出分手;未料男友先說「問吓媽咪先」,再以「媽咪唔想我哋分手」為由挽留,令事主更感無藥可救。
同場加映:
Sick問識答|西藥轉中藥恐致濕疹大爆發? 中醫拆解皮膚症狀加重原因
育兒之道|兒子搵工面試媽媽好心做壞事,半夜發短訊要求HR取錄,詳情即睇:【下一頁】
一名女網民本周一(15日)在「香港討論區」發文,表示男友總是對母親千依百順,起初以為對方只是孝順,但後來發現實為「世紀大媽寶」、「裙腳」,「連份工都係媽咪幫佢搵,仲溫室小花過啲女仔」。事主漸漸對男友失去耐性,甚至直言「覺得同呢個男人都唔會有未來」。因此事主最近數星期都會無故向男友發脾氣,希望對方會主動提出分手,
「點知佢每次都會認低威氹番我,搞到我都唔知仲可以用咩手段令到佢自己同我講分手。」
男友不肯分手:媽咪唔想
直至上周末,事主決定主動提出分手,然而男友仍不願分開,然而當被問及原因,男友的回應令她大感無言,
「佢同我講因為係佢媽咪唔想我哋分手,Auntie(伯母)話我好多嘢都可以幫到佢,又覺得我人品好,冇教壞佢個仔。吓?即係你媽咪唔想我哋分手,所以你先同我講唔好分手同埋你會改?咁你已經改唔到啦,連同邊個女仔一齊定分手都仲要聽媽咪話。」
男友聞分手致電母親求教
直至本周日(14日),事主跟男友相約到茶餐廳再認真提出分手,並道出其問題所在。她形容約半小時後男友沉思一會兒,她以為對方有何想法,未料男友竟表示:「你等我打電話畀媽咪,問吓佢可以點處理先。」事主聞言深感無奈,
「唉,呢啲事都仲可以唔識處理,話要打電話問功課。對呢啲『媽寶男』真係唔可以畀一絲期待佢,正所謂冇期望冇失望。」
事主指男友跟母親通電話後,將電話交給她,「叫我同佢媽咪傾」,她便如實向伯母道出種種不滿,
「雖然Auntie真係對我好好,而且佢都真係好唔想我哋分手,但係佢都明佢個仔而家咁樣,係佢太保護佢個仔先會搞到咁,但係我真係估唔到連分手都要問媽咪囉!早知發佢阿媽脾氣,唔使搞咁多嘢。」
網民:你似同Auntie拍拖多啲
不少網民看到帖文後,笑言事主比較像是跟男友母親交往,指她應直接跟伯母提出分手,亦有人揶揄男友應詢問現場觀眾意見。另有網民表示如男友沒有主見和獨立思想,認為事主婚後生活也會如同「三人行」,揶揄男友以後洞房可能都要問母親如何處理,但亦有網民指伯母可能只是想保護兒子,指責事主不懂珍惜兩母子對她的好。
↓ 點 擊 圖 片 放 大 ↓
- {{hket:inline-image name="1d605ba8-66bc-4685-bb6f-75ae38c28024.jpg"}}{{/hket:inline-image}}
- {{hket:inline-image name="d2b786b3-4a3e-4ed7-aa92-bff9af5f4b2b.jpg"}}{{/hket:inline-image}}
- {{hket:inline-image name="235d37c0-cbd9-4456-9d45-37d1f1671b0e.jpg"}}{{/hket:inline-image}}
- {{hket:inline-image name="bd4751f2-b40f-4a0f-911d-1ab5a8a6737b.jpg"}}{{/hket:inline-image}}
- {{hket:inline-image name="f3e2d51a-f8fc-42fa-a044-6e432ecda9fd.jpg"}}{{/hket:inline-image}}
- {{hket:inline-image name="1a390123-dde6-494a-84f2-048d2a54cc2f.jpg"}}{{/hket:inline-image}}
- {{hket:inline-image name="2a81c690-768e-4393-98c0-13217e884aa4.jpg"}}{{/hket:inline-image}}
- {{hket:inline-image name="054c6f47-fe7d-4ad2-bc87-5130991d37a9.jpg"}}{{/hket:inline-image}}
- {{hket:inline-image name="1e66c897-3e28-45b2-a8ba-8fb53a0d18be.jpg"}}{{/hket:inline-image}}
- {{hket:inline-image name="9e2cbcf8-407a-40ef-ba30-955c79d0decc.jpg"}}{{/hket:inline-image}}
麻煩親戚|同事確診大姑奶堅持上門探BB,人妻怒斥裙腳仔丈夫不懂拒絕,詳情即睇:【下一頁】
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
每朝索取《晴報》:精明生活.健康家庭.開心娛樂
撰文:蘇麗儀